هفته لیک درسلیگیمیز ائلچی بی دن ..........اوراقوت(آرواد)سوزونه آیدین نیق گتیره جه ییم

-هفته لیک درسلیگیمیز ائلچی بی دن بو هفته نین درسلیگی اُراقوت(آرواد)نظر سالماق ایسته ییرم ایللردیرکی ائتمولوگویا اوستونده چالیشاراق هله ده وار آختارشلاریما داوام ائله ییرم؛بو ساحه ده واقت آیریم چالیشارکن بوگونده آرواد(قادین) دئدیگیمیز تئرمینی آراشدیریم نه آنلامدا اولدو.غونا آیدین نیق گتیرمک ایسته ییرم؛ایللر بویو فیکیررشیردیم کی قادین وارلیغی انسان حیاتی نین اینجه مقامی اولاراق اوز اینجه لیگینه لایق آدی دا اولمالیدیر؛بو ساحه ده آختاریشلاریمین داوامی اولاراق کاشقارلی ماحمودون لوغت الترک اثرینین 140 جی صفحه سینده گلن اُراقوت(اُراغوت)سوزو دیققتیمی اوزونه جلب ائله دیگده داها جدیتینن آختارمالاریما داوام ائله دیم؛چونکو قاباقجادان آرواد آنلامی حاققیندا ائیشیدیب و اوخودوغوم یازیلار هئچ بیریسی منی قاندیرا بیلمه میشدیرلر؛اسماعیل جعفرزاده نین ارک سوزلوگو اولاراق 74جو صفحه سینده (آرواد)(آراغوت)اؤری و اوره مک دئییه عین لوغت الترک سوزلوگونده گلن تئرمینی یازیب آرتیقراق ایضاح وئرمه دن اوستون نن کئچمه لی اولموشدور؛او بیری ایضاحلی لوغت درده بو تیپلی ایضاحلار وئریله رک قانع ائدیجی بیر فاکت اورتایا قویمامیشدیرلار؛لوغت الترک کتابین دا عکس اولون نان اُراغوت(اوراقوت)سوزو اوز قورولوشون نان بللی اولورکو ایلکین یارانمیش حرف لردن اولمالیدیر؛من (اؤر اویماقلاری)کتابیمدا اؤر سوزو حاققیندا بیلگیلر وئره رک ثبوت ائله میشدیم کی بو تیپلی تئرمین نر ایلکین یاران نان حرفلردن اولموشدورلار؛اورادا دئمیشدیم کی اؤر سوزونون نئچه آنلامی اولدوقدا بیر آنلامی دا قولو گیرری کیشی دئمک اولور؛زامان گئدیشاتیندا کؤکسل(تورک) دانیشان خالقلار بو تئرمینی یاراتماغینان قادین وارلیغینا موثبت یاناشمالارینی اورتایا قویمالی اولموشدورلار؛اؤر سوزوکیشی(ارکک)آنلامی داشیدیقجا اورا قوت تئرمینیده ایکی حرفیدن تشکیل اولوناراق کیشی یه تای( اوخشار) یارانمیش حورمته لایق انسان دئمک لری اولموشدور؛قوت سوزو ایسه اسکی کؤکسل(تورک) دانیشان خالقلارین دیلینده قوتسال دئمک اولموشدور؛بئله لیک له اوراقوت سوزونون آنلامی قوتسال انسان دئمک اولموشدور کو اونو کیشی لردن اوستون توتاراق مقدس حورمتله یاناشمالارینی اورتایا قویموشدورلار؛ایکینجی آنلامینا گلدیکده ائلین آناسی دئمک اولورکو اونودا قوتسال ساییردیرلار؛بیز بیلیریک کی اؤر سوزونون بیر آنلامی کیشی اولدوقدا بیر آنلامیدا موحافیظه چی کیشلردن تشکیل اولونموش طایفا دئمک اولور؛آتابابالاریمیزین تاریخین دیب بوجاغیندا یارادیقلاری اؤراقوت سوزو یونان دیل و مدنیت درینه گئده رک آفرودیتAfrudit کیمین داخیل اولموشدور؛اونلارین کولتورلرینده سئوگی ودوغارلیق تانریسی(الهه)کیمین تانینیردی؛یونانیلارین دیلینه آفرودیت کیمین گئدن سوز واقدیکان تاتجیکلرین دیلینه آفرید وآفریدن کیمین دوشموشدور؛چونکو قادین نار دوغارلیق گوجونه مالیک اولدوقلارینا گوره بو آد اونلارا وئریلمیشدیر؛کوردلرین دیلینه آفرت(نافرت)(آرواد) کیمین گئدن اوراقوت سوزو تکجه قادین دئمک اولموشدور؛عرب لرین دیلینه عورت کیمین گئدن سوزوموز داها اوزونو قیسسالداراق قیز و قادین خایلاقلارین گوبکدن آشاغی قاسیق ناحیه لرینه دئمه گینن کفایت لنمیشدیرلر؛عربلرین دیل و مدنیت درینه گئدن اوراقوت سوزو قوتسالیقدان چیخارداراق تکجه جنسی مسله لر اوزره اونا آد وئرمه لی اولموشدورلار؛آزاربایجان دئییم و یازیلاری آراسیندا یانلیش بیر فاکت اولاراق آرواد سوزونوعرب دیلینده ایشلک اولان عورت تئرمینین نن آلدیغینا اینانیرلار؛حالبو کو عکسینه اولاراق عربلر عورت سوزونو بیزیم اوراقوت سوزون نن آلمیشدیرلار؛عرب دئییمینده بیر آمرات سوزوده واردیرکی تحقیر ائدیجی بیر تئرمین اولاراق ایشله دیرلر؛پشتون دئییمینده بیر مورسوزو واردیر کی بوگونکو گیلکلر اونو مار و دری دیللیلر اونو مادر کیمین ایشله دیرلر؛من بئله دوشونورم کی مور و مار(مادر)سوزجوکلریده بیزیم آرواد(اورقوت) سوزوموزدن آلینان تئرمین نراولاجاقدیر؛ بئله نظره گلیر کی گونده لیک ایشلتدیگیمیز (آر)Arتر تمیز و آرتماق Artmaqچوخالماق آنلاملاریندا آرواد سوزینن ایلگیلی اولمالیدیرلار؛