گونش پرست لیک وعرب

گونش پرست لیک وعرب ایلامی لردن عربلره اوتورولن شرع و شرعیت-گونش قوتساللیغین نان اجتماعتیده یئرین آلان کولتور-قایدا- قانون و یاسا دئمک اولموشدور؛بللی اولان کیمین عربلردده اجتماعی دوزه لیش لری گونش پرست لیک اینانجی تاثیر آلتیندا اوز یولونو تاپمیشدیر؛-شمال و شرق سوزجوکلری که بوگونده عربلرین دیللرینده عکس اولونورلار دئمک اولار کی اونلارین خط استوانی نظرده آلساق یئر کوره سی نین یاری شمال حصه سینده یاشاماقلارین نان خبر وئریر؛بو ایکی سوزجوگون آنلامیدا گونش چیخان نقطه سینن باغلی یارانماغی نظره گلیر؛شاعر گونش قوتساللیغی حاقیندا سیراوی (بداهه)سوز دئمک قابلیتی اولان شامان و سیراوی سوزلرینن گونشی تمثیل ائله یه بیلن کیمسه؛شافع-گونش پرست لیکده ساغالدان-خسته لیک لره درمان ائله یین قوه و سونرالار کیمسه دئمک اولموشدور؛اوگوزلوک وئرن و بوراخان و چتین نیکلری آرادان قالدیران؛شاکر-شوکور ائله یین گونش وارلیغینی قوتسال سانیب اونا دعالار ائله مک و قوربانلیق لار کسمک؛بیلدیگینیز کیمین اسکی تاریخیندا گونشی حیات وئریجی اولدوغونو باشا دوشن خالقلار گاهدان اولوردوکو اوز گوزل و گنج اوشاقلارینی اونون قارشیسیندا قوربانلیق کسیلمه گینی تهلوکه دن قورتاریجی بیلیردیرلر؛بیز قرآن کریمده ابرهیم پیغبرین حکایه سینه واراندا گوروروک کو ابراهیم افندی اوزوینن یارادانین آراسیندا ایلقار قوروور کو اگر منه اوشاغی وئرسن حاضیر اولارام کی سنین قارشیندا اونو قوربان کسمه گینن اوز سوزومه عمل ائله ییرم؛آدی گئدن حکایه ده ابراهیم افندی نین باغلادیغی ایلقار داغ و قوربان لیق سوزلری گله رک دئمک اولور کو ابراهیم افندی ده بو عنعنه نی اوز آتا باباسی نین یاشادیقلاری عنعنه دن آلمیشدیر؛چونکو ابراهیم پیغبرین دورونده گونش قوتساللیغی نان داغ قوتساللیغی دا بویا بویا یاشانیب اجتماعیتده اوز یئرلرینی آلمیشدیرلار؛اولسون کو بوگونکو یازیلاردا ابراهیم پیغبری تک تانری یا تاپینماغینی قلمه آلیرلار؛حالبو سامی سویلو اویماقلارین اینانج مکمل لیگی گونش پرست لیک اینانجی تاثیر آلتیندا باش توتموشدور؛شاکی-گونشه تاپینیب اوز ایسته گینی اله گتیره بیلمه یین کیمسه؛گونش پرست لیک اینانجیندا مرادینا چاتمایان کیمسه دئمک اولوردو–شام-گونش سیز-قارانلیق-بو شام سوزو دئمک اولورکو شئی(ایشیق)(پارلاق)سوزونون عکس اوزو و آنلامی دئمک اولور؛شهید بو سوز تاریخ گئدیشاتیندا اوز آنلامینی تاپان سوزجوکلردن بیری سایلیر؛چونکو زامان گئدیشاتیندا هر طایفا گونشی تمثیل ائله مه گیچین داغلاردان بیر پارچاسی داش گتیریب گونش مقدس لیگینی تمثیل ائله مه گینی دوشونرکن اونو موحافیظه ائله مه گی مقدس بیلیردیرلر؛لاپدان ایکی طایفا ووروشاراق قالیب طایفا مغلوب طایفانین ایناندیغی داشا یئییله نیب اوزلرینن آپارسایدیلار مغلوب قوچاقلاری چالیشیردیلار کی اوز جاننارینی تهلوکه یه سالماغینان گئدیب اوز نشان ناری گئری آلسین نار؛بو یولدا جانی نان کئچیب اولن کیمسه لره شهید(شهادت) دئییه گونش قوربانی دیرشهید آدلاندیراردیرلار-شیطان سوزجوگوده دئمک اولار کی اوخاریدا گتیردیگیم سوزجوکلرین سیراسیندا یانان سوزجوکلردن بیریسی سایلیر؛قاباق کی یازیلاریمدا تورکون پرست لیک عنعنه لرینن دانیشارکن آل باستی و آل آروادی حکایه لرینن سوز آچارکن ایصاح لار وئرمیشدیم؛عرب دیل و مدنیتینده شیطان سوزو و اونون اوینادیغی رول دئمک اولار کی گونشه قارشی چیخمیش بیر قووه کیمین آنلادیلیر؛اولسون کو اسلام اینانجی گلن نن سونرا شیطان آدلی بیر قووه نین اوینادیغی رول دا عوض اولموشدور؛شاَن و شهرت اوز اجتماعی روتبه سینی گونش دن آلان کیمسه کی اجتماعیتده حورمتله قارشیلانیر؛شر و شرع- بیلدیگینیز کیمین تورکجه سوزجوکلری منفی و مثبت اولاراق ایلکن جوت یارانمیشدیرلار؛بو عرب منشالی سوزلره باخاندا اونلاریندا منفی و مثبت جوت یارانماقلارینی گوروروک؛قایدا قانونا قارش چیخان قووهو کیمسه عکسینه اولاراق شرع سوزوجوگو اوخاریدا ایضاح وئردیگیم کیمین قایدا قانون و اجتماع ورینن قبول اولونموش دب توره لر دئمک اولور؛شعاع و شروق-پارلاق و ایشیق شویکه یاریق داها ایشیق وئریجی؛شعور گونش وارلیغینی و قوتساللیغینی باشا دوشه بیلن کیمسه دیر کی اجتماعیتده عاغیللبی و ذکالی تانینیر؛شعری- گویده بیر اولدوز آدیدیر کی هر زامان گوزه گورونسه گلن ایل گونش قیزمارلیغی باش وئرر؛شعشه-ایشیق وئریجی و داها پارلاق؛شفق-گونون باتیب چیخان آنلاریندا گویده گورسه نن ایشیق و بولود آغ و قیزمیزیلیغی؛شُکر-آلقیش(دعا)گونش وارلیغینی مقدس بیلیب اونا دعالار ائله یین؛شگون؛اوغور-یارارلی اولان-فایدالی-نایلیت گتیرن؛شمشیر-پارلاق-آغ و ایتی اولدوغونا گوره ایشیغی قایتاران کسیجی حربی آلت؛شور سئوینج مثبت آنلامیندا هیجان شادلیق دئمک اولور؛ شور- عرب لرین گونش پرست لیک لرینن باغلی یارادیق لاری بیر هاوا آدیدیر؛شولا- گونشی تمثیل ائله یین شامان نارین(دوریش) گئیدیکلری و عبا؛شهاب گویده ایشیغی نین آخماسی و سایره کی گونش پرست لیکدن گلیب الیمیزه چاتان یوزلرجه بئله ثبوت دار تکجه عربلرین دیللرینن گتیرمک اولار؛

دوزگون

(دوزگون)

باخ باخ گؤزونون وورقونویام وورقونو دوزگون

گول گول دوداغی نان گوتوروم مورگونو دوزگون

گئت گئت بوغولور منده کی من گئتمه قاییت گل

گورگور اوره گینن دولو بو دولقونو دوزگون

دوز دوز گئدیسن یول اوزونو بیرجه دایان ؛قال

دون دون گوره سن یولدا قالان یؤرقونو دوزگون

داغ داغ داشیدین بیلمه گی بیلمک لیگی گئدین

دیل دیل آرادین اولچولری *اولقونو دوزگون

*نا ناظیر باخ سانکی حالال لاشمادی گئتدی

قو قویدو گوزو یولدا گولو سولقونو دوزگون

سن سن یاشادیقجا یاشاداردیم سنی گوزده

سن سن گئده لی گئیدیم عزا کورکونو دوزگون

سن سن دونن آغلیردین اوتایدان گئده نیم وار

من من بوگون آغلیر سنی هم گولگونو دوزگون

گؤز گؤز گؤز اولور ائلچی بی یین باغری گئدیرسن

گل گل سوروشا بیلمه دیگی سورقونو دوزگون

________________________________________________________

*بویوک حسین محمدزاده صدیغین آغیسی(مرثیه)اولاراق یازدیم *اولقونو:وارریغی *اوستاد شرفخانالی ناظیر