آردوج آغاجی

پارلاق تاریخیمیز؛

آغاج آنلامی تورک تاریخیندا

آردوج:

آغاج آنلامی بعضی تورک اویماقلاری آراسیندا آغاش، یاغاچ، ییغاچ، یاغاش دئییلسه ده کوکو بیر یئره باغلی دیر؛آزاربایجان تورکجه سینده آردوج دئدیگیمیز بیر کوکلو قایناقلی آغاج تاریخاَ بعضی تورک اویماقلاری آراسیندا قوتسال اولاراق بوگونده بیز او باخیشی یاشادیریق؛آردوج آغاجینین آدی بوگونکو خوراسان تورکلری آراسیندا آرچه و یاخود آرچا کیمین ایشله نیر؛(آر)کلمه سی کی بیز آزاربایجانیلار اونو تمیز یئرینه ایشله دیریک او سوزجوگون اصلی آدی (آغ) موقدس آنلامیندا ایشلنمیشدیر؛اولا بیلسین کی تاریخ گئدیشاتیندا(غ)سوزجوگونون یئرینی (ر)سوزجوگوینن عوضلنمیشدیر؛یوخاریدا وورقولادیغیم کیمین آردوج آغاجی بعضی تورک اویماقلاری آراسینداقوتسال اولاراق اسکی چاغلاردان اونا اینانیب گوی و یاشیللیق تانریسی کیمین قبول ائله میشدیرلر؛اونا بیز بوگونده عومور آغاجی دئییه یازیلاریمیزا گتیریریک؛بعضی اسکی تورک اویماقلاری ایناجلاریندا آردوج آغاجینی یئرده گویه ال آچمیش و گونش شوعالارینا تاپینماغینی دوشونوردورلر؛حتی اولولری اولنده اونو بیر کوکلو قایناقلی آردوج آغاجینی دیبینه آپاراراق اورادا جان تاپشیرماغینی ال وئریشلی گوروردورلر؛اورادا جان تاپیشیران کسین الین نن یاپیشاراق بیر الیننده آغاجین اتگینه یاپیشاردیرلار کی تناسوخ دئدیگیمیز بیر فیکیر اوز یئرینی تاپسین؛حتی بعضی تورک طایفالاری آردوج آغاجینان یاراندیقلاری دوشونه رک اونون حاققیندا چوخلو حکایه و ناغیللار سویله میشدیرلر؛میثالیچین بیز اؤک اوز(اؤغوز)خاقانین ایلک حیات یولداشینین آغاجلا ایلگیلی اولماغینی گؤروروک؛یاخود قیپچاق بویلارین نان اولان بیر تورک سویلو اویماق اوز آتا بالارینین آردوج آغاجینان یارانماسی نی دوشونه رک بو آغاج قارشسیندا قوربانلار کسیب و اونا باش اَییردیرلر ؛بیلیدگینیز کیمین قیپچاق سوزونون آنلامیدا کویول(غار)و اوزللیک له ایچی اؤولموش آغاجینان باغلیدیر؛آردوج اینامی ایلکن بعضی تورک اویماقلاریندا باش توتسادا سونرالار بو فیکیر هیند اورپایی دیللی خالقلارین مدنییتینه علاوه اولور؛ میثالیچین دری دیللی رین مدنیتینده اونو درخت حیات کیمین قبول اولونماغینی گوروروک؛ الیمیزه گلیب چاتان داش هیکللرینده آردوج آغاجینا اینام آچیق آیدین اوزونو گؤزترمه دیر؛بوگونکو خاچ پرستلر مدنیتینده داها اوزونو قاباریق شکیلده بوروزا وئرن آردوج آغاجینین اینام مسله سی کریسمس آغاجی کیمین اوز وارلیغینا داوام ائله ییر؛بوگون تورک خالقلاری آردوج دئدیگیده بوتون آغاجلارا خیطاباَ ایشله دیر بودا چوخلو اسکی چاغلارا قاییدیر؛آزاربایجان تورکجه سینده بیر سوز وارکی دئییر؛او کیمسه(فلانی) آردوج آغاجی اولارکن کسیب یاندیرماقدا اولمور؛بو باخیش یوخاریدا وورقولادیغیم آردوج آغاجینین قوتسال اولدوغون نان قایناقلانیر؛یاخود بعضی عالیملر آزاربایجان سوزونون آنلامینیدا آردوج آغاجینان باغلاییرکی بودا اوستونده فیکیرلشمه لی بیر واریانتیدیر؛(آر)(عر)سوزجوگونو اگر آردوج آغاجینان گوتورسک آزاربایجان آنلامیدا دوز چیخمالی اولاجاقدیر؛چونکو بیز آزاربایجان داغلیق اراضیسینده آردوج آغاجلارینی یئتیشمه لرینی گوروروک؛میثالیچین بوگونکو اهر شهری و یاخود آراز چایینین آنلامیدا ائله کوکه باغلی اولور؛گوردونوگوز کیمین (آر)(آغ)سوزجوکلرینین یئر دَییشمه لری تورکون دیلینده بیر قاچیلماز فاکدیر؛(آغ)سوزجوگونون مقدس آنلامی داشیماغی دا تورک تاریخیندا متمادی گله رک بو گونده داوام ائله مکده دیر؛میثالیچین(آغ)آغ مچید؛آغ ائولر؛آغ سارای؛آغا سوزوده بو قایناغا باغلیدیر(آک)آکا؛آغا؛(اؤک)؛اؤکوز(اؤغوز؛اؤکتای؛آر؛آرچا؛آرتای؛آری؛تمیز؛آری؛زنبور؛آر؛آری سوزو دری دیللیلرین دیلینده آری کیمین بوگوندده ایشلنمکده دیر؛سوزومون سونوندا سیز دییرلی اوخوجولاریما آردوج آغاجی کیمین یام یاشیل قالین دئییه گلن یازیشانا قدر سیزلرین ساغوللاشیرام؛هله لیک دوسلار؛ حورمتله ائلچی بی

انزلی لیمانی

7/5/1400گونش ایلی