هفته لیک ائتمولوگییا درسلیگیمیز(ای)سوزجوگو (ائلچی بی)دن

هفته لیک ائتمولوگییا درسلیگیمیز(ائلچی بی)دن بو هفته درسلیگیمیزای Iy(ایپار)(رایحه)قبرسوزجوگو اولاجاقدیر؛ قاباکی یازیلاریمدا دئمیشدیم کی اسکی پرو تورک و تورک سوزجوکلری منفی و موثبت اولاراق جوت یارانمیشدیرلار؛بیز اسکی تاتجیک دیلینده "گوه" و "بو" سوزجوکلرینی گوروروک کو واقدیکان پروتورک و تورک خالقلارینین یارادیقلاری سوزجوکلر اولموشدولار؛گورودوگونوز کیمین بورادا جوت یارانان سوزجوکلر "گوه"(قوخو)پیس ای اولاراق "بو" بورونا خوش گلن ای دئمک اولموشدور؛کاشقارلی ماحمود اوز لوغت الترک اثرینده ای ایپار(عطر)(عبیر)سوزوجوگونو خوش ای آنلامیندا گتیرمیشدیر؛بللی اولان کیمین اَن اسکی چاغلاردان "گوه" و "بو" سوزجوکلری پرو تورک و تورک خالقلاری دیللرین نن تاتجیک دیلینه داخیل اولاراق قورونوب ساخلانیلمیشدیر؛بوگونکو دری دیلینده گوه سوزو نجاست آنلامیندا گلسه ده ایلکن انسان نجاستینین پیس ایینه دئممیشدیرلر؛ بیزیم بوگونکو ایشلدیگیمیز قوخو سوزو بوگونده دری دیللرین ایشلتدیگلری گوه سوزونون بیر تلفوظ نوعو دئمک اولور؛عکسینه زامان گئدیشاتیندا بو سوزجوگونو خوش ای آنلامیندا ایه چئویره رک بوگونده ایشله دیریک؛پرو و تورک سوزجوکلری قایدا قانون اوزرینده یاراندیغینا گوره ای لرینده آز چوخ و پیس یاخشی اولدوقلارینی عکس ائتدیرمیشدیرلر؛اسکی تورکوده ساس(ساسیق)(بوی گند)لئش ایینه دئمیشدیرلر؛ساس و ساسیق سوزجوگون نن بللی اولورگوه(قوخو)سوزجوگو اورتاق پیس ای دئمک اولموشدور؛اوخاریدا ایضاح وئردیگیم کیمین بیزیم بوگونکو ایشلتدیگیمیز قوخو سوزو دری دیللیلرین ایشلتدیک لری گوه سوزوینن عین آنلامدادیرلار؛اوتن اللی ایلده یوزلرجه مقاله و ایضاحلی لوغتدرده یازیلماغینا باخمایاراق بوگونده قوخو سوزونو خوش ای آنلامی ایشلدیریک؛لاپدان بیر آزاربایجانلی یازیچی و شاعیر بیلمه رکدن گول قوخویورسوزونون یازاندا اصل قایناقدان اوزاق دوشمه لی اولور؛بیز گول قوخویور یئرینه گول ساچیر یازساق منجه داها یئرینه دوشر؛ایپار سوزونون آنلامینا گلدیده ای(بو)پار سوزوایسه ایین یایلاماسی دئمک اولور؛مثالیچین ساچیق وورماق خوش ایین (گول و عطر) یایلماسی و بیر گولون اطرافا خوش ای بوراخماسی یاخود عطیر ووران کیمسه نین اوستون نن خوش ای گلمه سی دئسک داها مقصده اوقون اولار؛واقدیکان دیلیمیزده یاران نان ایپار سوزو عرب دیلینه عطرو عبیر کیمین دوشموشدور؛بوگونده تورک دیللی اولکه لرده ایشلک اولان ای سوزونه واراندا

اویغور:تورکجه سینده پور(پوراق)Pur(Puraq)

خوراسان تورکجه سینده ایسIs

تورکمن تورکجه سینده یئسYes

تارتار تورکجه سینده ایس Is

قازاق تورکجه سینده اییسIyis

عوثممانلی تورکجه(استانبولی)کوکوKuku

قیرقیز تورکجه سینده جیتCit

اوزبک تورکجه سینده هیدHid کیمین گلمیشدیرلر _________________________________________________________________________________________ ای:بو:رایحه Iy ایپار:عطر(عبیر)Iypar ساچماق:عطر افشانیsacmaq قوخو:پیس ایQoxu ساس(ساسیق)لئش ایی(بوی گند)sas(sasiq)

آزاَرلری ائلچی بی دن

قاز-آز-آس وکاس ارلری قافقاز منشالی ائتنیک اولاراق آدلاری تاریخا دوشموشدور؛آز دئمک اولار کی قاز سوزونون بیر تلفوظ نوعو اولاراق زامان گئدیشاتیندا طایفا آنلامی تاپیب و داشیمیشدیر؛قاباق کی یازیلاریمدا وورقولامیشدیم کی تاریخا پرو تورک طایفالاری نین یارادیقلاری سوزجوکلر منفی و موثبت اولاراق جوت یارانمیشدیرلار؛بو جوت یارانما عنعنه سی آز(آس)(آسمان) ماوی رنگ آنلامیندا اولدوقدا آج و آجون یئر آنلامی داشیمیشدیرلار؛آس(آز) سوزونون بیر آنلامیدا اوخاری دئمک اولور کو آزاربایجان تورکجه سینده اونو اوست کیمین ایشله دیریک؛بوگون نری آز اربایجان وطنداشی اولاراق چوخلو کیمسه لرین سوی آدلاری چشم آز ار(آذر)اولاراق گوی گوز دئمک اولوزدورلار؛گیلان(گیلک)یئرلی جاماهات آراسی گوی گوز کیمسه لره کاس چوم(چشم آبی)دئییه بیربیرلرینن سوز پایلاشیمی ائله ییرلر؛کاس- قاز و آز سوزجوکلری بیر قایناقدان اولاراق طایفا آدلاری اولموشدورلار؛واقدیکن قربی لرین خزر دنیزینه(کاسپین)وئردیکلری آد طایفا آنلامی داشییاراق سوزومون ثبوتو اولا بیلیر؛آس(آز) گوی(اوخاری) آنلامینان فرقلی اولاراق بیزیم آزرابایجان و خوراسان تورکجه سینده آست سوزجوگوموزده واردیر کی آشاغی آنلامیندا ایشله ییر؛واقدیکان آسدانا سوزو اون نان آلینمیشدیر؛قاباق کی یازیلاریمدا وورقولادیغیم کیمین انسان نارین ظاهیری گورونوشلرین نن توتموش پیسکولوژی جهت درینه قدر یاشادیقلاری جوفرافی تاثیر آلتیندا دَیشیک لیک لری اولموشدور؛بیز بونو بیلیریک کی بیرینجی دونه تاریخدا قافقاز جورافیاسیندا یاشایان ائتنیکلرین آرگانیمیزلرینده دَیشیکلر اولاراق ماوی گوز اولموشدورلار؛نه یازیق کی یوز ایل کئچه رکدن آز ار سوزونو طایفا آنلامیندا تحریف ائله ییرک پارلاق یئرلی تاریخیمیزی اورت باسدیرائله مه گه چالیمیشدیرلار؛اسکی تاریخدان یئرلی جاماهات آز ارلری اولاراق (عدو شود سبب خئیر)دئییه وارلیقیمیزا(آذری)دئییه دوز تلفوظ ائله میشدیرلر؛آز ارلرینه خایین اولان نار آذری سوزجوگونو عروضجا ایشله ده رک آدی گئدن طایفالاری تات سویلولار سیراسیندا گورمه گه چالیشمیشدیرلار؛حالبو کو آز ارلری دئیینده اَر سوزو تورک و پروتورک طایفا آنلامی داشیدیقدا اوزونو گوزرتمه لی اولور؛ تاسوفلر اولسون بوگونکو ایران اتنیکلری آراسیندا یارانان آیری سئچکیلیگه گوره بیر آزاربایجان وطنداشینا آز اَری(آذری) دئیینده اونلار دیره شه رک من تورکم آزاری یوخ جاواب وئرمه لی اولورلار؛قاباق یازیلاریمدا وورقولامیشدیم کی دونیالیق مدنیت تملینی قویان خالقلاریمیزا تورک دئییه تاریخین بیر بوجاغینا سیخماق ایسته میشدیرلر؛بوگونکو آز اربایجان گنجی دوشونو قاباغا وئریب دئیینده کی من آزاری(آذری)یوخ تورکم خورباخان نار جسارت تاپیب بیزه دئییرلر بوراسی آزاَرلر اولکه سیدیر سیز تورکوستان چوللرین نن گلمیسینیز؛دوغورداندا بیز آز اربایجان وطنداشی اولاراق اوزوموزه تورک دئییرک اون مین ایللیک آتا بابالاریمیزین قوروب و یاراتدیقلاری یئرلی مدنیتیمیزه دال چئویرمه لی اولوروق؛دوزدورکو تورکوستان منشالی سویداشلاریمیز دونیالیق ار اویماقلارینین بیر بویو اولاراق او آدینان تانینمیشدیرلار؛نه ایسه من آز اربایجان وطنداشی اولاراق دیل کولتور باخیمنان اونلارینان عین دیل و مدنیتین داشیجیلاریق؛امما من قیرخ سویوم نان آزاربایجان دئییبلن اراضی لرده دوغولوب بویا چاتمیشام تپیگیمی یئره وورا وورا اسرارلا دئمه لیم کی بو منیم توپراغیم و آتا بابالاریمین یاشادیقلاری اراضی لرده دیر؛ اوجورکو قاز ارلری(خزر)قاج ارلری(قاجار)آفش ارلری(افشار) ماج ارلری(مجار)بولق ارلری(بولقار)ائتنیک اولاراق یاشتادیقلاری اراضی آدلارینان تانینیرلار؛ بیز آز ارلری ده تاریخا یاشادیغیمیز جوفرافی آدلارینان اوزموزو تانیتدیرمالی اولاجاییق؛هر آزاَر بایجان گنجی عایله داخیلی اوشاق گتیردیکجه اوغلان آدلاری اولاراق آز اَر-آز تای-آز آلپ-آز بای-آزسوی-وقیزآدلاری اولاراق آز دان-آزلی-آز تکین-آز بورچین-آزی تا-آز گوز...قویمالیدیرلار؛بئله فاقتلاری اوراتایا قویدوقدا اوز وارلیغیمیزی الده ائله یه بیله جه ییک ائلچی بی انزلی لیمانی

هفته لیک ائتمولوگییا درسلیگیمیز(ائلچی بی)دن

هفته لیک ائتمولوگییا درسلیگیمیز(ائلچی بی)دن بو هفته درسلیگیمیز قور(گور)قبرسوزجوگو اولاجاقدیر؛ قاباق کی درسلریمیزده دئمیشدیم کی اسکی تورکوده یارانان سوزجوکلریمیز بوتویلوکده منفی و مثبت اولاراق جوت یارانمیشدیرلار؛هور-قور (کور)سوزجوگلریده دئدیم قایدا قانون اوزرینده یاراندیقلاری گوره هور(نور)ایشیق آنلامیندا مثبت و قور(کور)منفی آنلامیندا قارانلیق و ایچی بوش دئمک اولموشدور؛بوگونده آزاربایجان تورکجه سینده (گ)سوزجوگوینن یازیلان(گورگان)سوزجوگو یانلیش اولمالیدیر؛بیز اونو قورقان یازمالی اولاجاییق؛چونکو اسکی عرب و دری دیللیرین الفبالاریندا(گ)آدلی بیر سوزجوک اولمامیشدیر؛بیلدیگینیز کیمین (گ)سوزجوگو اوچ یوز ایله یاخین دیری کی یارانمیشدیر؛من کئچمیش هفته لیک درسلیکلریمده قاق و قاواق سوزجوکلری اوستونده دانیشارکن دئمیشدیم کی(ق)سوزجوگوینن باشلانان سوزجوکلر کی دری و عرب دیللرینه داخیل اولموشدورلار؛عمومیتده کوکو قایناقلاری پرو تورک و تورکجه اولموشدور؛دفعه لرینن بو تیپلی سوزجوکلره آیدین نیق گتیررک دئمیشدیم اسکی تورکوده هر ایچی بوش نسنه لری گوررک اونلارا قاق و قاواق دئمیشدیک؛بیزیم قاق(قاواق)سوزموز کویول آنلامیندا مین ایل کئچه رکدن دری دیلینه غار و عرب دیلینه کهف کیمین دوشموشدور؛زامان گئدیشاتیندا عربین کهف سوزونو آلاراق دری دیل لیلر کند(روستا)و کوه سوزجوکلرینی یارادا بیلمیشدیرلر؛پرو تورک و تورک طایفالارینین اسکی تاریخدان یاپدیقلاری قورقان نار ایلکن داغ قوتساللیغینی تمثیل ائله ییرکن گئت گئده فورمالاشماغا باشلامیشدیر؛یاپیلان قورقان نار ایلکن اینانج ماهیتی داشیدیقلاری گوره دونیانین دورد بوجاغینا یایلاماغا باشلامیشدیر؛قاباق کی چیخیشلاریمدا دئمیشدیم کی قورقان یاپماق عنعنه سی ایلکن گونش پرست لیکده پرو تورک و تورک خالقلارینین مدنیتلرینه داخیل اولموشدور؛واقدیکان آمئرکان قیطعه سینه کوچموش گونش پرست قیزیل دریلر قورقان(پئرامیدا) یاپماق عنعنه لرینی اورتا آسیا و بوگونکو آزاربایجان اراضی لرین نن آپارمالی اولموشدورلار؛قور(کؤر) سوزجوگو قاران نیق دونیا آنلامیندا ایشله نرک دئمک اولار کی گونش اینانجلی هون اویماقلاری یاراتمیشدیرلار؛آزاربایجان خالقی نین قارا ملیک ناغیلیندا گلن یئر آلتی قاران نیق دونیاسی دئمک اولار کی ایشیق لیق دونیاسی نین منفی جهتی کیمین عکس اولونموشدور؛گلیب الیمیزه چاتان حکایه دن بللی اولور کو اسکی آتابابالاریمیز قاران نیق دونیاسینا ایشیقلی دونیا قدری اینانمیشدیرلار؛سونرالار قورولان قورقان ناردا دئمک اولار کی پروتورک خالقلاری اولاراق هونلارین اینانج و مدنییتلری اوزرینده قورولمالی اولموشدور؛قورقان ناری قوران هون نار اینانیردیرلارکی انسان نار ایشیقلی دونیادا اولدوقلاری کیمین قارانیق دونیاسیندادا گونده لیک یئمکدن شخصی ائو اشیالارینا قدر احتیاجلاری اولاجاقدیر؛کور(نابینا) سوزجوگوکو بوگون دری دیل لیلر ایشله دیرلر اودا تاریخاَ پروتورک وتورک سویلو خالقلارین یارادیقلاری قایدا قاونون اوزرینده یارانمیشدیر لار؛دری دیلینده غار-گور-کور(نابینایی)آنلامیندا کوه-تاتلارین دیلینده کند- کی- کوی- ده و روستا آنلامینداعرب دیلینده قبر کیمین سوزجوکلر تاریخاَ گونش پرست پرو تورک و تورک طایفالارینین یارادیقلاری قاق(قاواق)سوزجوکلرینن فورمالاشاراق یارانمیشدیرلار؛

اورمو گؤلومUrmu golu

اورمو گؤلومUrmu golu

وارلیق سسیمیز ظولمته سالمیش بو نه هایدی؟

Varliq səsimiz zulmətə salmiş bu nə haydi

کیم باور ائله¬ردی بئله مظلوم اوجالایدی؟

Kim bavər elardi belə məzulum ucalaydi

ظالیملره قارشی چکیلن هایدی هارایدی

Zalimlərə qarşi Çəkilən haydi haraydi

تابوت گتیرین اورموگؤلوم جان وئریر های های

tabut gətirin urmu golum can verir hay hay

ویران دئدیگیم اؤلکه ده قانوندا موم اولدو

Viran dedigim olkədə qanunda mum oldu

بو دارماداغین ایشلره باعیث ده قُم اولدو

Bu darmadagin işlərə baisdə qum oldu

آخیردا گلیب طالئعیمیز گؤرنه شوم اولدو

Axirda gƏlib taleimiz gor nƏ şum oldu

تابوت گتیرین اورمو گؤلوم جان وئریر های های

Tabut gətirin urmu golum can verir hay hay

بایراق گؤتوروب قاندال آیاق باشدا صفرخان

Bayraq goturub qandal Əyaq başda səfar xan

اؤلدورمه¬دیلر وارلیغیمیز اولدو یاریم-جان

OldurmƏdilar varligimiz oldu yarim can

قالخیب آیاغا نئعره چکیر خالخالی زنگان

Qalxib Əyaga nərə Çəkir xalxal zəngan

تابوت گتیرین اورموگؤلوم جان وئریر های های

Tabut gətirin urmu golum can verir hay hay

فارس آدلی بیزیم قارداشیمیز یوخدو جاهاندا

Fars adli bizim qardaşimiz yoxdu cahanda

قارداش جیْغاتایدیر منه آنجاق خوراساندا

Qardaş cigataydir mənə ancaq xorasanda

جان جان دِئيیه تورکوم دایانا چنده دوماندا

Can can deyə tÜrkum dayana Çəndə dumanda

تابوت گتیرین اورمو گؤلوم جان وئریر های های

Tabut gətirin urmu golum can verir hay hay

بابک بالاسی قالخ آیاغا یاتما قفسده

Babək balasi qalx əyəga yatma qəfasdə

وئر قول قولا جينگيلتي سالاق دسته به دسته

Ver qol qola cingilti salaq dəstə bə dstə

دریاچه دَییر وارلیغیمیز سون کی نفس ده

Dəryaça deyil varliqiz sonku nəfasdə

تابوت گتیرین اورمو گؤلوم جان وئریر های های

Tabut gətirin urmu golum can verir hay hay

آزاد یاشاماق حاققیدیر هر خالقین ازلدن

Azad yaŞamaq haqqidir hər xalqin əzəldən

گوج بير اولانين قورخوسو يوخ قارشيدا سئلدن

Guc bir olanin qorxusu yox qarŞida seldƏn

یومروق گرگ اولماق سؤزونو چئینه¬مه دیلدن

Yumruq gƏrƏg olmaq sozunu ÇenƏmƏ dildƏn

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

تورک اوغلو دئمز آخ دریسین سویسالار آنجاق

Türk oglu demƏz ax dƏrisin soysalar ancaq

کیم دیر گتیریب حاق وئره بیز ائوده اوتورساق؟

Kimdir gƏtirib haq verƏ biz evdƏ otursaq

سیز سؤیله مه¬یین قارداشینیز اؤلدو باشیز ساق

Siz solƏmƏyin qardaşiniz oldu başiz saq

تابوت گتیرین اورموگؤلوم جان وئریر های های

Tabut gƏtirin urmu golum can verir hay hay

سیندیر قفسی قیشقیریرام تورکم هارای من

Sindir qƏfƏsi qişqirarm türkam haray mƏn

تاریخدا باخين آل بزه نن بؤرکم .هارای. من

Tarixda baxin al bƏzƏnn borkƏm haray mƏn

بیر گونده وئریبدیر ال اله اؤلکم .هارای. من

Bir gundƏ veribdir Əl ƏlƏ olkƏm haray mƏn

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

\من لئش دَییلم سومسونه¬سن توپراغیم اوسته

MƏn leş deyilƏm sumsunƏ sƏn topragim ustƏ

قارتال گرک اوچسون دولاییمنان داغیم اوسته

Qartal gƏrƏg uçsun dolayimnan dagim ustƏ

ال دییمه چکیل قوی دایانیم آیاغیم اوسته

Al dƏymƏ ÇƏkil qoy dayanim Əyagim ustƏ

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

کئچدی او زامان چوخلو فدایی قانی تؤکدون

Keçdi o zaman Çoxlu fƏdayi qani tokdun

اورت باسدیر ائدیب خالقیمیزین قددینی بوکدو

ن Ort basdir edib xalqimizi qƏddini bukdun

اؤلدور مه¬دن آرتیق آرادا کینه¬دير اکدین

OldurmƏdin artiq arada kinƏdir Əkdin

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

بیر سال یادیوا شرم ائله مشروطه قیيامین

Bir sal yadina şƏrm elƏ mƏşrutƏ qyiamin

بئيله گئده ايش اولاماياجاق هيچ نه دوامين

BeylƏ gedƏ iş olmayacaq heçdƏ dƏvamin

آللاه ییخ ائوین باشینا اول تولكو *قوامین

Allah yix evin başina ol tÜlku qƏmin

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

گؤز یاشلاریمیز اورموگؤله جان وئره-جکدیر

Goz yaŞlarimiz urmu golƏ can verƏckdir

لازیم گله آزادلیغینا قان وئره¬جکدیر

Lazim gƏlƏ qazadligina qan verƏcƏkdir

یاردیم الینی قارداش اوتایدان وئره-جکدیر

Yardim Əlini qardaş o taydan verƏcƏkdir

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

سئل دیر سسیمیز قووزانا كيمسه ییخا بیلم

ز Seldir sƏsimiz qozana kimsƏ yixa bilmƏz

سانکی ساوالان قامتینی قاندال اَیَنمَز

Sanki savalan qamƏtini qandal ƏyƏnmƏz

ماتم گونودور کیمسه بوجور صحنه ده گولمز

Matam gunudur kimsƏ belƏ sƏhnƏdƏ gumƏz

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

قویمام ائده¬سیز بیرده منیم خالقیمی چاش¬باش

QoymƏm edƏsiz birdƏ mƏnim xalqimi Çaş baş

طوفان کیمیدیر قوزانیبان نسلی قیزیلباش

Tufan kimidir qozaniban nƏsle qizil baş

من تک دئمیرم ال اله وئر آی باجی قارداش

MƏn tƏk demirƏm Əl ƏlƏ ver ay baci qardaş

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

من هیچ دئمیرم غم گونوموزده یادا گلسین

mƏn heÇ demirƏm qƏm gunumuzdƏ yada gƏlsin

سالماس میانا ابهریمیز فریادا گلسین

Salmas miyana ƏbhƏrimiz fƏryada gƏlsin

ائل شاعیریدی سؤیله سهندی اودا گلسین

El şayiridi soylƏ sƏhdi oda gƏlsin

تابوت گتیرین اورمو گؤلوم جان وئریرهای های

Tabut gƏtirin urmu golum can verir hay hay

تورک اوغلو ندیر كؤرپه¬سی بیگانه دانیشسین؟

Türk oglu nƏdir korpƏsi biganƏ danişin

گیج توخلو کیمین هرسورونو گؤردو قاریشسین؟

Gic toxlu kimin hƏr sirunu gordu qarişin

اصلینده یامان گونده گرک هاممی باریشسین

AslindƏ yaman gundƏ gƏrƏk hammi bariŞsin

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

ظولمون ائوینی ییخمالیدیر دستِ طبیعت

Zulmun evini yixmalidir dƏste tƏbiƏt

اؤلمک وار اگر بس نَیه لازیمدی بو ذیللت؟

Olmak var Əgar bƏs nƏyƏ lazimdi bu zillƏt

هر آن چالیشیب چاتماغا اؤز حاققینا میللت

HƏr an Çalisir Çatmaga oz haqqina millƏt

تابوت گتیرین اورمو گؤلوم جان وئریر های های

Tabut gƏtirin urmu golum can verir hay hay

آسیلی گؤزلر کتابین نان

Asili gozlƏr kitabinnan

ائلچی بی

guney azƏrbaycan elci bƏyi

هفته لیک ائتمولوگییا درسلیگیز(ائلچی بی)دن

هفته لیک ائتمولوگییا درسلیگیز(ائلچی بی)دن بو هفته نین درسلیگی

بای و بایرام(نوروز)سوزجوگودور بایBay-بایرامBayram-بئرمکBermak(وئرمک)Vermak

اصلی موضویا کئچمه میشدن اونجه ایضاح وئرمه لییم کی گونوموزه گلیب چاتان بایرام سوزجوگو و عنعنه سی اسکی تاریخدا اکینه جک ایشلرینن باغلی اولموشدور؛تاریخین کئچید دورو دئییه بوغدانین تانینیب اکیلمه سی انسان یاشایشینی دَیشدیره بیلن بیر فاقت اولموشدور؛من اؤر اویماقلاری کتابیمدا ایضاح وئرمیشدیم کی بوغدانین تانینیب اکیلمه سی ایلکن انسان نارین کند و شهررشمه لرینه شرایط یاراتمالی اولموشدور؛چونکو بوغدا تانینمادان اونجه انسان نار عایله وی حصه لره بولونرک داغلیق اراضی لرینده یاشامامیشدیرلار؛داغلیق اراضی لرینده یاشاقلارینین اساس سببی اونلاری گونده لیک قیدالانماقلارینان باغلی اولموشدور؛چونکو داغلیق اراضی لری یئر یئمیش(میوه جات)و اؤوچولوق باخیمینان طایفا توپلوملارین قیدا منبعی سایلیردی؛مقدس کتابیمیز اولان قرآن کریم ده عکس اولون نان آدم حووا ناغیلینا باخاندا اورادا آدم آتایا امر اولونور کواوجماندا(بهشت)بوغدادان غیره هر یئمیش دن قیدالانا بیلرسن؛بیلدیگینیز اؤجمان(اورمان)پرو تورک و تورک دیللرینده یاشاماغیچین ال وئریشلی شرایط اولان مئشه لیک اراضیسی دئمک اولور کو عرب دیلینده اونا بهشت دئییرلر؛قران کریمده گلن حکایه نین متنی باخاندا بللی اولور کو بوغدا تانینمادان اونجه اجتماعی توپلوملار مئشه لیک اراضی لرینده یاشامیشدیرلار؛بوغدانی تانییان توپلوملار اونو اکیب بئجرمه گیچین موطلق سولو دوزنگاهلیق لارا اوز توتمالیدیرلار؛چونکو داغلیق اراضی لرینده بوغدانین اکیلیب بئجریلمه سی ائله ده آرتیم لی اولا بیلمزدی؛اوخاریدا ایضاح وئردیگین کیمین بشر انکشاف ائله دیکجه هر نایلییت کی الده ائله ییردی چالیشیردی کی حکایه لر دوزلتمه گینن اونو تاریخین یادداشینا کوچورتمه لی اولسون نار؛قران کریمده عکس اولون نان آدم حووا حکایه سی ده آدی گئدن سایالار سیراسیندا یارانمالی اولموشدور؛بیزیم سوزوموز بورادا بای و بایرام سوزو اولدوغونا گلین گورک بوغداینان بای و بایرام سوزجوکلرینین نه ایلگی لری اولا بیلیر؛بیز بیلیریک بوغدانین تاپیلیب گونده لیک قیدا منبعینه چئویریلمه سی دونیالیق نایلیت اولاراق تاریخین ان کئشمه کئشلی دورولرینن بیریسی اولموشدور؛چونکو انکشاف ائله میش اویماقلار اوز یاشام طرزیلرینی یاخشی لاشدیرماغینان یئنی یاشام فورماسینی یاراداراق هله لیک داغ دره ده یاشایان انکشاف ائله مه میش ائتنیکلرده شرایط یاراتمالی اولموشدورلار؛او سببدن بایلاشمیش(شهررشمیش)قوروپلار وئر الینن قارا خالقلاری رام ائله مه گه باشلامیشدیرلار؛بیز بیلیرکی قیش موسومو دئییه مئشه لیک اراضی لرینده یاشایان انکشاف ائله مه میش اجتماعی توپلوم گونده لیک قیدا باخیمنان چتین نیک چکیردیرلر؛بللی دیر چتین نیکلره معروض قالان کوتله شهر و کتدرده یاشایان انکشاف ائله میش خالقلارا هوجوم ائله مه گینن اوز قارین نارینی دویورماق قرارینا گلیردیرلر؛اوخاریدا وورقولادیغیم کیمین بایلاشمیش توپلوملار بئله خوشا گلمز حادیثه لرین قاباغینی آلماغیچین قیش گون نری دئییه هوجوم ائله یین ائتنیکلره ال توتماغینان خالق آراسی سئوینج یاراتمالی اولوردولار؛الیمیزه گلیب چاتان بایرام مسله سی کی سونرالار قیشین سونا چاتیب یئنی دن طبیعتین دیرچه لیش گون نرینه تصادف ائله میشدیر؛بایرام عنعنه سی تاریخین کئچید دورو اولاراق تاجیکلرین یازیلی ادبیاتدارینا سیزماغینان قورونوب ساخلانمیشدیر؛بای سوزو تاریخاَ یازیلمیش ایضاحلی لوغتدرده واری کاری کیشی و بایلیق کیشی لر توپلومو دئمک اولموشدورسا بیر آنلامیدا شهرشمه آنلامی اولموشدور؛اوخاریدا ایضاح وئردیگیم کیمین بوغدانی اکیب بئجرن توپلوملار گئت گئده شهررشمه مجبوریتینده قالمالی اولوردورلار؛من دئییردیم بشر بوغدانی تانییب اون نان قیدالانماسایدا حیوان طرزی یاشاماغی باشین نان چیخارتمایاجاغیدیر؛چونکو ات یئرینه گونده لیک بوغداینان قیدالان نان انسان نارین آرگانیمیزلرینده دَیشیک لیک یاراناراق اجتماعی لشمکلرینه شرایط یاراتمالی اولموشدور؛کاشقارلاری ماحمودون لوغت الترک اثری کی کئچن ایللرده دوکتورصدیق کوچورن نسخسینه باخاندا 248جی صفحه سینده بیرم(Beyrem (سوزونه راست گلیریک(وام و بدهی)کیمین عکس اولونوبدور؛حالبو کو بئرمک سوزو کو بیز اونو وئرمک کیمین ایشله دیریک بای و بایرام سوزلرینن ایلگیلی اولمالیدیر؛اوخاریدا ایضاح وئردیگیم کیمین بیز تاریخا بایلیق سوزونو شهر آنلامیندا ایشلتمیشیک؛مثالیچین خان بالیق- بئش بالیق آتا بابالاریمیزین ایلکن یاپدیقلاری شهرلره دئمیشک؛چوخ گومان کی بابل سوزوده ایلکن بایلیق اولاراق سونرالار غیر پرو تورک و غیرتورک خالقلارین الینه کئچن نن سونرا(بابل)ایندی فورمایا دوشموشدور؛پرو تورک و تورک تاریخیندا تونقال قالاییب حلقه ووراراق دوره سینده شادیانه لیک ائله مک اونلارین مدنیتیدرینین بیر پارچاسی اولموشدور؛ندنسه بیز بیلیریک بایرام و دورد چرشنبه شن نیکلرینده تونقال قالاماق هر ایل کئچیردیگیمیز شن نیک لرین اساس مسله لرین نن بیریسی اولموشدور؛بیز اعتراف ائله مه لییک کی تاریخین قوروجولاری اولاراق تاریخاَ الده ائله دیگیز نایلیتدری یازیب یادداشت گوتورمه گه ماراق گوزترمه میشیک؛او جهتدندیر کی تاریخاَ آتا بابالاریمیز یاراتدیقلار چرشنبه بایرام کیمین چئشیتدی عنعنه لریمیز مین ایل کئچه رکدن اجنبی ائتنیک لرین یازیلی دیللرینه کوچوروله رک بیزلره دوداق بوزمه لی اولورلار؛بو هفته لیک من نن بوقدر؛گلن هفته لرده پایلاشان قدر ساغ ساییق قالین دئییه سیز دیرلی اوخوجولاریما هله لیک دئییرم

حورمتله ائلچی بی

انزلی لیمانی